الرسالة التى بعثها ايمن نور من السجن للمرشح الديمقراطى للرئاسة الامريكية باراك اوباما
شكلت لى و للكثيرين صدمة, فالرسالة التى نشرت بالموقع الرسمى لحزب الغد والذى يحرره أنصار ايمن نور
جائت فى شكل نوع من الشكوى للمرشح الامريكى ومحاولة دفعه للضغط على الحكومة المصرية فى حال وصوله للحكم .وايا كان الاحباط والظلم الذى تعرض له أيمن نوروأيا كان موقف المرشح اديمقراطى أوبامافمسألة اللجوء للاجنبى فى التاريخ المصرى هى خط احمر
وكنت أتمنى الا يقدم أيمن نور على خطوة كهذه
فهو بما قام به سابقا وبتجربته كان يمثل بادرة أم طيبة ليس فقط لليبراليين
ولكن لكل من ينشدون لاصلاح لسياسى بمصر. والخطوة لتى قام بها ستدفع أعدائه للتاكيد على ما كانوا يروجون له
من احتماء أيمن نور بالولايات المتحدة وتنفيذ أجندتها "لان الحزب لوطنى بالطبع له اتجاه مخالف للاجندة الامريكية"!! واعتقد
أن السلطات المصرية سمحت بخروج الرسالة لهذا السبب.
Posts
11 comments:
انا لست ليبرالي ولا انتمي لحزب الغد ولكن هل مثل خطاب ايمن نور صدمه ولم تمثل لك القضيه الملفقه لايمن نور اي صدمه رجل حصل علي 10% من اصوات الناخبين عاجز علي ان يحضر عشرات التوكيلات لانشاء حزب...لم ينصره شعب حضارة السبع الاف سنه خذلناه وخذلنا كل المناضلين ونحن بهذا الكلام نخذل انفسنا
شوف
فيه شيء أنا مقتنع بيه
وهو أن من الصعب أن يفعل هذا الرجل أي شيء بعيدا عن أعين الحكومه التي كان أحد رجالها في يوم من الايام
فهو كان عضوا من أعضاء مجلس الشعب- ومعروف أن مصر اصلا لا يوجد بها انتخابات- ولكن ما أن خسر الإنتخابات حتى قال أن الانتخابات يتم تزويرها
ثاني شيء واللي عجيب فعلا- الراجل ده له عمود كل يوم في الدستور ومعاه صوره أنه يقف وراء القضبان
طيب بالله عليكم
ازاي واحد يكون معارض بالشكل ده والحكومه تسمح له بأنه يكتب
ثاللثا: ازاي ابراهيم عيسى وغيره بيقولوا على مبارك أنه رجل طاغيه وهذا الطاغيه يتركهم يقولوا اللي هما عاوزينه بالشكل ده؟
شوف
انا استنتجت شيء
وهو أن تقريبا كلهم متفقين مع بعض اتفاق غير معلن رسميا
وهو أن كل واحد ياخد دوره
الحكومه سايبه دول يشتموا عشان تبان أنها يمقراطيه
والمعارضين مبسوطين من الوضح- جرائد بتتباع- برامج في التليفزيون واعلانات ومكاسب في الفضائيات- وكله بيرزق من وراء المعارضه
عادي يا استاذ
واحنا اللي مضحوك علينا في النهايه
أ. الحسينى
لو قرات المقال جيدا وتابعتى مواقفى تعرف ان انا من أكث المساندين لأيمن نور "رغم ختلافات قليلة جدا" وانا كنت اتصلت بيه قبل تأسيس حزب الغد . انما دا مش معناه ان الواحد ياخد خطوات لا تتفق مع مبادئه, فيه سياسيين بيعتبروا المسألة دى عادية لكن انا واحد من النس الى مقتنعين انها خط احمر لا يمكن الاقتراب منه مهما كانت المبررات .
لورانس العرب عتقدش ان ايمن نور كان محسوب فى يوم من لايام على الحكومة وهو كان مستهدف من يامن ذكى بدر و كن لا بد من القضاء على مستقبله السياسى لما فكر يكون مرشح جدى لرئاسة الجمهورية وفى رايى ان المقارنة بين ايمن نور وابرهيم عيسى مش فى محلها .
اما مسألة الهجوم على لحكومة ولشتيمة والسماح بيها فده لازم لتحسين صورة لحكومة واظهارها ديمقراطية .
اولا تسلمللي علي كل خط احمر يقابلك الحكومة عايشه علي المنحه الامريكيه وبتمد ايدها ولما سعد الدين ابراهيم كتب مقال طالب فيه بربط المعونه بالاصلاح الاقتصادي حوكم غيابي وخد سنتين حبس ....جمال مبارك رئيسي ورئيسك المنتظر بيزور امريكا ويقدم اوراق اعتماده عشان امريما تسنده....الغاز اتباع للصهاينه ببلاش عشان نكسب رضا العم سام...عايز خطوط حمره تاني...والراجل مظلوم ومحدش سامعه في المحروسه بيقول يا كبير العالم المنتظر حوشني ..طيب هما مش دمروا مستقبله السياسي....ودمروا صحته كده كفايه وهو لن يستطيع ممارسة العمل السياسي الا بعفو رئاسي...سموا الاشياء بمسمياتها ارجوكم.
اولا كنت اتمنى أن أسلوب الخلاف يكون أفضل من كده.
وبكرر ان الاحتماء والاستنجاد بالاجنبى خط أحمر لاى انسان وطنى والا نعتبر استنجاد الخديوى توفيق بالانجليز أمر طبيعى .
أو ممكن بقى نستنجد فى يوم من الايام بالحكومة الاسرائيلية مثلا!! المبادىء مابتتجزأش يأخ" لزومى" وأوباما اللى بتعتبره كبير العالم هايعمل اللى فى مصلحة بلده وبس مش هايدورلك على حقك.
اما أحطاء الحكومة اللى بتتكلم عنها فأنا أول واحد هاجمتها ومش معناها ان الواحد يغير مبادئه ويستسلم للامر الواقع أو يفضل "يولول" من غير موقف ايجابى. أما الاخ جمال اللى اعتبرته رئيسك القادم , فانت حر ان شاالله تعلق له يافطة تاييد من دلوقت أما انا عمرى ما اقبل أنه يكون رئيس لي لأن ده راى أغلب المصريين الايجابيين مش السلبيين و المتشنجين.
انا بصراحه متفقه معاك يا احمد
وبعدين ليه اتجه للقوه الخارجه بالرغم انه كان ضدها
ومن الطبيعى ان لو حصل وخرج بناء على دعم امريكا ليه ولو خلينا نفسنا متفائلين وقلنا هيمسك بدل مبارك
مهو بكدا هيسمح ليهم بتدخل فى شئونا
وهيبقى زى مبارك والخديوى
والتاريخ هيعيد نفسه
الظاهر هنعيش كل حياتنا مصدومنين
ومبروك على المدونه الجديده
وعملتها من ورايا
ماشى يا سيدى
ماذا فعل الشعب المصري وانت واحد منهم لايمن نور وللاخوان المسليمن الذين حكوموا عسكريا ولم تجرؤ الحكومه على محاكمتهم امام القضاء المدني ماذا فعلت وفعلنا لمنع تزوير الانتخابات ماذا فعلنا لتجميد النقابات المهنيه وتحنيط الاحزاب .... المواقف الحقيقه تكون على ارض الواقع ليس على المدونات .. اسأل كل من تقابله هل لديه بطاقه انتخابيه ؟ واذا كان لديه هل يذهب للانتخابات ؟
هل يقاوم احد منا ظلم وقع على جار في العمل او في المسكن ؟
هذة المقدمات لا تعني ان هناك مصريا واحدا وليس انا فقط يقبل بالاستقواء بالاجنبي ولكن يجب ان لا نقسوا على من ظلمهم النظام وقضي على حياتهم السياسيه والاجتماعيه .
ارجو ان لا نفعل كما فعل الشاعر احمد شوقي حين هجا الزعيم احمد عرابي "انا لا اقارن ايمن نور باحمد عرابي رغم وطنييته" بعد وفاته قائلا
"صغير في الحياه.... صغير في الممات"
أهلا بيكى يا همس
المدونة لسه تحت التأسيس ومش انا لوحدى اللى هاكتب فيها وياريت تكونى بداتى فى الخطوات اللى قولتى عليها.
وفى مجموعة مدونات عن القدس أتمنى ان تشاركى فيها واغلبها انجليزى
يا اخ حسينى انا باتفق معك ان الناس ما أخدتش موقف كافى ضد الظلم لاللى وقع على ايمن نور وغيرهودا ليه أسباب كتيرة مش مجال الكلام فيها . لكن مش معنى كده ان الواحد يلجا لناس يعتبروا اعدائه علشان يجيبوله حقه
وما فيش حاجة بتتغير فى يوم وليلة وانا هأضرب أمثلة بسيطة عباس العقاد اتسجن بدون سبب وسعد زغلول اتنفى ونفس الكلام على احمد عرابى لكن ماحدش منهم غير مبادئه اما أحمد شوقى فدا كان شاعر القصر وكتب مدح فى بعض رموز الاحتلال والكلام التافه اللى كتبه عند وفاة عرابى مجرد شماته حقيرة لا تستحق حتى التعليق عليها. وان كان أحمد عرابى ما اخدش حقه وقتها فالتاريخ اداله حقه وبقى الزعيم احمد عرابى.
وعلى فكرة الكلام اللى انا قلته مش معناه ان انا غيرت موقفى من أيمن نور لكن نور ماهوش نبى واذا غلط لازم المتعاطفين معاه هم اول ناس يردوه
Post a Comment